EN

كيكتك على كيفك، من مخابز بغداد

احچي شنو ببالك أو اختار خطوة بخطوة، والمخبز يثبّتلك السعر قبل ما يبدي يشتغل.

التطبيق قريباً. هسه دنجرّبه ويه أول المخابز.

كيكة إسفنج محشية قيمر وعليها عسل، مكصوص منها شريحة
صورة توضيحية

شلون يشتغل

  1. صمّمها على ذوقك

    احچي ويه المساعد بالذكاء الاصطناعي ويرسملك فكرة تقريبية، أو اختار بنفسك خطوة بخطوة: الحجم والطعم واللون والكتابة.

  2. الخباز يثبّتلك السعر

    تشوف سعر تقريبي من البداية. المخبز يشوف التصميم ويأكدلك السعر النهائي والموعد، وبعدها يبدي.

  3. توصيل أو استلام، حسب المخبز

    بعض المخابز توصّل وبعضها تستلم منها بنفسك، وتدفع كاش من تستلم.

الرسمة تقريبية حتى يفهم الخباز فكرتك، مو صورة الكيكة بالضبط.

مو بس كيك

من نفس المخابز تكدر تطلب:

كيك كليچة معجنات خبز وصمون حلويات صواني

عندك مخبز؟

مسك يجيبلك طلبات كيك وحلويات حسب الطلب من زباين ببغداد. تشوف التصميم، تحط سعرك وموعدك، والقرار إلك تقبل لو لا.

هذا تسجيل اهتمام بس، مو عقد. نتواصل وياك ونشرحلك العمولة وكل الشروط بالتفصيل قبل ما تبدي.

سجّل اهتمامك

شلون نوصلك؟

رقم الموبايل لو حساب الإنستغرام، واحد منهم يكفي.

التطبيق قريباً

هسه دنجرّبه ويه عدد قليل من المخابز ببغداد. من ينزل، تلگاه هنا.